KVI-men kúres: Bir jyldaǵy tártipti qamtamasyz etý qadamdary

NUR-SULTAN. QazAqparat – Osydan bir jyldan astam ýaqyt buryn barsha álem koronavırýs ınfektsııasy saldarynan kúrdeli jaǵdaıǵa tap boldy. Bul rette memleketter indettiń taralýyna tosqaýyl qoıý maqsatynda túrli saqtyq sharalaryn qabyldaýǵa kirisken edi. Qazaqstanda 2020 jylǵy 16 naýryzdan bastap KVI-men kúres baǵytynda aýqymdy jumystar iske asyrylǵany belgili. Osy oraıda ótken bir jyl ýaqyttaǵy qoǵamdyq tártip jumysyna toqtalýdy jón kórdik.

Eske salsaq , byltyr sáýir aıynda Memleket basshysy Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysynda blokposttarda kólikterdiń uzaq turýyna jol bermeý kerektigin tapsyrǵan bolatyn.

Bul turǵyda aýyl sharýashylyǵynyń azyq-túlik ónimderin jetkizýshilerdiń karantındik qalalarǵa úzdiksiz kirýin qamtamasyz etý, kóktemgi dala jumystaryn bastaıtyn fermerlerge de qatysty ońtaıly sharalar qabyldaý tapsyrmalaryn júktegen edi.

Atap aıtqanda, ótken jyly Qazaqstanda tótenshe jaǵdaı rejımi bolǵan kezeńde tártipti saqtaý, karantındik is-sharalardy qamtamasyz etýde densaýlyq saqtaý organdaryna qoldaý kórsetý baǵytynda uıymdastyrýshylyq jumystardyń kesheni iske asyryldy.

Osy maqsattarda ishki ister organdarynyń jeke quramy patrýl narıadtary sanyn arttyrý arqyly erekshe rejımde qoǵamdyq tártipti qorǵaý qyzmetin atqardy.

Tótenshe jaǵdaıdyń negizgi kezeńderinde 50 myńnan astam polıtsııa qyzmetkeri, Ulttyq ulan men Qorǵanys mınıstrliginiń áskerıleri jumyldyryldy (qazirgi kezde 12 myń).

Karantındik aýmaqtarǵa kirýdi jáne odan shyǵýdy shekteý úshin 445 blokpost jumysy uıymdastyryldy (qazir 4 blokpost qoıylǵan).

Sonymen qatar, koronavırýs ınfektsııasyn juqtyrý belgileri bar adamdardy anyqtaý maqsatynda 274 sanıtarlyq beket qyzmet etti.

Іndet juqtyrǵan 400 oshaq pen 300 karantındik nysannyń (qazirgi ýaqytta 290 karantındik nysan) kúzeti qamtamasyz etildi.

Tótenshe jaǵdaı rejımin buzǵan turǵyndar ustalyp, ákimshilik jaýapkershilikke tartyldy. Tótenshe jaǵdaı talabyn buzǵandarǵa qatysty 476-bap boıynsha ákimshilik jaýapkershilikke 20,6 myńnan astam adam tartyldy. Onyń ishinde 4 371-i qamaqqa alynyp, 6 822 adamǵa aıyppul salyndy, al 9 430-yna eskertý jasaldy.

Aıta keteıik, ótken jyly dári-dármekke qatysty másele ózekti bolǵany belgili. Osy oraıda dárilik zattardy zańsyz ótkizý faktilerine jol bermeýge qatysty sharalar qabyldandy. Dári-dármekti ótkizýde talaptardy buzýdyń 933 jaǵdaıy anyqtaldy. Zańsyz aınalymnan dárilik zattyń 98,2 myń qaptamasy, 500 myń medıtsınalyq maska, 41 myń medıtsınalyq qural (gradýsnık, qan quıý jabdyqtary), 705 lıtr dezınfektsııalyq suıyqtyq tárkilendi.

Qazirgi kezde polıtsııa qyzmetkerleri qoǵamdyq tártip pen qaýipsizdikti qamtamasyz etý boıynsha negizgi mindetterin oryndaýmen qatar, monıtorıngtik mobıldi toptardyń (1613) qyzmetine de qatysyp keledi. Bul toptar jergilikti atqarýshy organdardyń sheshimimen qurylyp, onyń quramyna jergilikti organdardyń ókilderi, polıtsııa jáne qoǵam ókilderi enip otyr.

Jyl basynan beri 43 myń reıd (2020 jyly – 114 404) is-sharalary ótkizilip, karantın talaptaryn buzýdyń 8 486 faktisiniń (2020 jyly – 45 125) joly kesildi.

Atap aıtqanda, Nur-Sultan qalasynda talaptardy buzýdyń 454 (2 561) faktisi, Almaty qalasynda – 647 (4 482), Shymkent qalasynda – 972 (1 245), Aqmola oblysynda –199 (2 242), Aqtóbe oblysynda –56 (1 553), Almaty oblysynda – 708 (1 847), Atyraý oblysynda – 168 (1 956), Shyǵys Qazaqstan oblysynda – 1 314 (3 460), Jambyl oblysynda – 264 (909), Batys Qazaqstan oblysynda – 70 (3 185), Qaraǵandy oblysynda – 643 (1 469), Qyzylorda oblysynda – 25 (922), Qostanaı oblysynda – 359 (7 093), Mańǵystaý oblysynda – 24 (1 341), Pavlodar oblysynda – 91 (839), Soltústik Qazaqstan oblysynda – 628 (2 367) jáne Túrkistan oblysynda 1859 (7 369) fakti tirkeldi.

Jalpy, indettiń taralýyna tosqaýyl qoıý turǵysynda kósheler, saıabaqtar, turǵyn úı alaby, saýda nysandary men bankter polıtsııa patrýl narıadynyń erekshe baqylaýyna alyndy. Bul jumystar qylmystyq quqyq buzýshylyq sanyn aıtarlyqtaı tómendetýge yqpal etti, onyń ishinde qoǵamdyq oryndar men kóshelerde jasalatyn qylmystar azaıdy.

2020 jyldyń qorytyndysy boıynsha qylmystyq quqyq buzýshylyqtardyń jalpy sany 34 paıyzǵa tómendedi (237,4 myńnan 156,4 myńǵa deıin). Bul rette qoǵamdyq oryndarda 51 paıyzǵa (89,3 myńnan 43,4 myńǵa deıin) jáne kóshelerde 55 paıyzǵa (47,8 myńnan 21,4 myńǵa deıin) azaıdy.

Bıylǵy jyldyń eki aıynda olardyń jalpy sany 17 paıyzǵa tómendedi, sondaı-aq qoǵamdyq oryndarda 44 paıyzǵa, al kóshelerde 47 paıyzǵa azaıǵany belgili boldy.