Kvazımemlekettik sektorda komplaens-qyzmetter ınstıtýty engizilýde – Oljas Bektenov

NUR-SULTAN. QazAqparat – Kvazımemlekettik sektor uıymdarynda komplaens-qyzmetter ınstıtýty engizilýde. Bul týraly QR Sybaılas jemqorlyqqa qarsy is-qımyl agenttigi tóraǵasynyń birinshi orynbasary Oljas bektenov aıtty, dep habarlaıdy QazAqparat tilshisi.

«Kvazımemlekettik sektor uıymdarynda parasattylyqtyń korporatıvtik standarttaryn saqtaýǵa jaýapty sybaılas jemqorlyqqa qarsy komplaens-qyzmetter ınstıtýty engizilýde», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, komplaens – batys elderden kelgen uǵym.

«Ol kez kelgen uıymda sybaılas jemqorlyqty boldyrmaý maqsatynda keshendi jumys júrgizetin, birinshi basshyǵa tikeleı baǵynatyn qurylymdyq bólimshe bolyp tabylady», - dedi Oljas Bektenov.