Quzyry artsa qoǵamdyq keńester búgingiden kóp is tyndyrar edi - Dáýren Babamuratov

ASTANA. QazAqparat - Qazaqstandaǵy 229 qoǵamdyq keńestiń quzyry keńeıetin bolsa búgingiden de kóp is tynar edi. Bul týraly búgin OKQ-da Qoǵamdyq keńesterdiń alǵashqy respýblıkalyq májilisiniń nátıjesi talqylanǵan baspasóz máslıhatynda Almaty qalasy qoǵamdyq keńesiniń múshesi, «Bolashaq» halyqaralyq qozǵalysy men «Jastar úni» jastar qoǵamdyq birlestiginiń tóraǵasy Dáýren Babamuratov aıtyp berdi, dep habarlaıdy «QazAqparat» HAA tilshisi.

«2015 jyly «Qoǵamdyq keńester» týraly zań qabyldanǵannan keıin Qoǵamdyq keńester ózderiniń jumystaryn bastaǵan bolatyn. Sol kezde biz de Almaty qalasyndaǵy Qoǵamdyq keńestiń quramyna ótip, iske kiristik. Nátıjeli táp-táýir jumystardy atqaryp jatyrmyz dep oılaımyn. Endi búgin Májiliste óte ózekti máseleler kóterilip jatyr. Sonyń biri - Qoǵamdyq keńestiń quzyryn keńeıtý. ıAǵnı, qoǵamdyq keńestiń quzyry qazirgi ýaqytta - usynys berý ǵana bolyp otyr. Demek, qalanyń damýy nemese salanyń órkendeýine qatysty qoǵamdyq keńes tek qana usynys bere alady. Al endi osy quzyrdy keńeıtetin bolsaq, qoǵamdyq keńes búgingi jasap jatqan jumysynan da aýqymdy isterdi tyndyratynyna men senimdimin», - deıdi Dáýren Babamuratov.

Onyń aıtýynsha, quzyrdy kóbeıtý úshin qoǵamdyq keńes búgingi zańnyń aıasyndaǵy qyzmetin nátıjeli túrde kórsete bilýi kerek.

«ıAǵnı, Qoǵamnyń jumysy tek qana epızodtyq emes, turaqty ári júıeli túrde jumysynyń nátıjesin kórsetýi tıis», - deıdi ol.

Aıta ketsek, búgin Din isteri jáne azamattyq qoǵam mınıstrliginiń uıymdastyrýymen Qoǵamdyq keńesterdiń І respýblıkalyq májilisi ótken bolatyn. Basqosýǵa 500-den astam delegat qatysty. Onyń ishinde Parlament depýtattary, respýblıkalyq jáne óńirlik qoǵamdyq keńesterdiń tóraǵalary, ortalyq memlekettik organdardyń, Ázerbaıjan, Qyrǵyzstan, Tájikstan jáne t.b. memleketterdiń halyqaralyq uıymdarynyń ókilderi bar.