Kúzgi jıyn-terin: Dıhandar qansha ónim jınady

ASTANA. QazAqparat – QR Aýyl sharýashylyǵy vıtse-mınıstri Baǵlan Bekbaýov ortalyq kommýnıkatsııalar qyzmetinde ótken brıfıngide dıqandardyń bıylǵy egis maýsymyn qalaı aıaqtap jatqany týraly málimet berdi, dep habarlaıdy QazAqparat tilshisi.

«Búgingi tańda respýblıka boıynsha barlyǵy 15,9 mln gektar dándi jáne burshaqty daqyldar nemese jalpy egin jınaý alańynyń 99,5%-y jınaldy. Ortasha túsimdiligi gektaryna 13,5 tsentner bolǵan kezde 21,5 mln tonna astyq bastyryldy. Aıta ketý kerek, 2021 jyly osy egin shyǵymy gektaryna 10,1 tsentner, jalpy túsim 15,8 mln tonna bolǵan. ıAǵnı, bıyl 26,5% artyq ónim alynyp otyr. Daqyldar boıynsha, onyń ishinde áleýmettik mańyzy bar bóliniste qaraıtyn bolsaq, onda 12,8 mln ga bıdaı tolyq jınalyp bitti. Túsimdiligi gektaryna 12,6 tsentnerden aınalyp, 16,2 mln tonna boldy», - dedi Baǵlan Bekbaýov.

Aıtýynsha, bıyl maıly daqyldardyń da shyǵymy jaqsy bolatyn túri bar.

«Maıly daqyldarǵa toqtalsaq, 1,9 mln ga alqap oryldy nemese egin jınaý alańynyń 55,7%-y jınaldy. Túsimdilik – gektaryna 7,8 tsentnerden. 1,5 mln tonna taza ónim alyndy. Kartop boıynsha 185,1 myń gektar alańnan nemese josparlanǵan alańnyń 93,8%-y jınaldy. Túsimdilik gektaryna 204,8 tsentner boldy. Kókónis daqyldary 161,2 myń gektar alańnyń nemese josparlanǵan alańnyń 93,4%-y jınaldy Jalpy alym gektaryna 288,6 tsentnerden aınalyp, 4,6 mln ónim tústi. Jalpy bıyldǵy kórsetkishter týraly byltyrǵyǵa qaraǵnada «shúkir» dep aıtsa bolady. Biraz jaqsy qorytyndy kórsetip otyr», - dedi vıtse-mınıstr.

Foto:gov.kz