Kúzgi-qysqy kezeńge daıyndyq: Roman Sklıar ákimderge birqatar tapsyrma berdi

ASTANA. QazAqparat – Premer-Mınıstrdiń birinshi orynbasary Roman Sklıar oblystar men Astana, Almaty jáne Shymkent qalalary ákimderiniń qatysýymen aldaǵy jylytý maýsymyna daıyndyq máseleleri boıynsha selektorlyq keńes ótkizdi, dep habarlaıdy QazAqparat Úkimet saıtyna silteme jasap.

Aldaǵy jylý berý maýsymyn úzdiksiz ári qaýipsiz ótkizý maqsatynda jergilikti atqarýshy organdar energııa nysandaryn, ınjenerlik ınfraqurylymdy, sondaı-aq áleýmettik nysandar men turǵyn úı qoryn josparly túrde daıyndap jatyr. Atyraý, Qaraǵandy, Mańǵystaý jáne Ulytaý oblystarynyń ákimderi atqarylyp jatqan jumystar týraly málimdeme jasady.

Sondaı-aq Energetıka, Indýstrııa jáne ınfraqurylymdyq damý mınıstrlikteri jetekshilik etetin salalar men ondaǵy ózekti máseleler boıynsha baıandamalar tyńdaldy.

Talqylaý nátıjesi boıynsha Roman Sklıar oblys ákimderine aldaǵy jylytý maýsymynyń turaqty ótýi úshin barlyq jóndeý jumystarynyń ýaqytyly aıaqtalýyn qamtamasyz etýdi tapsyrdy. Óz kezeginde, tıisti mınıstrlikterge energetıkalyq kásiporyndar men ınjenerlik ınfraqurylym nysandarynyń kúzgi-qysqy kezeńge daıyndyǵy boıynsha baqylaýdy kúsheıtý tapsyryldy.