Kúzgi egin oraǵyna baǵyttalatyn dızel otynynyń kólemi kelisilip jatyr
14:25, 13 Maýsym 2017
ASTANA. QazAqparat - Kúzgi egin oraǵy naýqanynda fermerlerge jeńildetilgen baǵamen satylatyn dızel otynynyń kólemi kelisilip jatyr. Bul týraly búgin QR Aýyl sharýashylyǵy birinshi vıtse-mınıstri Qaırat Aıtýǵanov málim etti, dep habarlaıdy QazAqparat.
«Kóktemgi egis jumystaryn júrgizý kezinde dızel otynyna degen qajettilik tolyqtaı óteldi. Bul jumystardy iske asyrý kezeńinde aktsız mólsherlemesin tómendetý týraly Úkimettiń sheshimi dızel otynynyń baǵasyn 123 teńgege deıin tómendetýge múmkindik berdi», - dedi Aıtýǵanov Úkimet otyrysynda.
Onyń sózine qaraǵanda, qazirgi ýaqytta aldaǵy egin oraǵy naýqanyna aýyl sharýashylyǵy taýarlaryn óndirýshilerge dızel otynyn jetkizý kólemi Energetıka mınıstrligimen kelisilýde.
QR AShM málimetinshe, bıyl elimizdegi egis alqabynyń jalpy aýdany 22,5 mln. gektardy qurady, bul ótken jylmen salystyrǵanda 650 myń gektarǵa artyq. Egin egý jumystaryn ártaraptandyrý aıasynda suranysy joǵary daqyldardy egetin alqaptar 1 mln 348 myń gektarǵa ulǵaıtyldy.