Kúzgi áskerı shaqyrylymda 600-ge jýyq astanalyq órender jaýyngerler qataryn tolyqtyrady

ASTANA. QazAqparat - Búgin Astana qalasy ákiminiń orynbasary Andreı Lýkın Ońtústik aımaqtyq okrýginiń qurlyq áskerleri qataryna jastardy irikteý boıynsha komıssııa quramynyń otyrysyna qatysty.

Bıylǵy jyly elordada 18-den 27 jasqa deıingi 6 200 azamat medıtsınalyq komıssııadan ótedi, sonyń 600-i merzimdi áskerı qyzmetin óteýge jóneltiledi, dep habarlaıdy astana.kz .

Astana qalasy Qorǵanys isteri jónindegi departament basshysynyń orynbasary, áskerı qyzmetshilerdi kelisimshart jáne shaqyrý boıynsha irikteý bóliminiń bastyǵy Ǵanı Artyqovtyń aıtýynsha, 600-ge jýyq óren Ulttyq qaýipsizdik komıtetiniń, Ulttyq qaýipsizdik komıteti shekara qyzmetiniń, Memlekettik kúzet qyzmeti, sondaı-aq Ulttyq gvardııanyń áskerı bólimder qataryn toltyrmaq.

Negizinen, jastar Bas shtabtyń josparyna sáıkes áskerı bólimshelerge jiberiledi. Astana qalasy Qorǵanys isteri jónindegi departamentiniń málimetinshe, áskerı boryshy aıaqtalǵannan keıin jastardyń shamamen 25 % QR Qarýly Kúshteriniń qatarynda kelisimshart boıynsha jumys isteýge qalady.

Aıta ketý kerek, 2015 jyldyń kóktemgi shaqyrylymynda 700 astanalyq óren ásker qataryn tolyqtyrǵan bolatyn.