«Kúz, kez, kóz, kúsh, kesh, kósh...»: Shavkat Rahmonov týraly anımatsııalyq vıdeo shyqty

<p>Aralas jekpe-jek taqyrybyna arnalǵan mýltfılmder jasaýmen aınalysatyn sýretshi Modjahed Fýdaılat óziniń YouTube-arnasyna qazaqstandyq faıter Shavkat Rahmonov (18-0) pen amerıkalyq Stıven Tompsonnyń (17-7-1) aıqasyna arnalǵan vıdeo jarııalady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Vıdeoda Rahmonov pen Tompsonnyń jekpe-jeginiń barysy kórsetilgen. Onda qazaqstandyq sportshy opponentin býyndyrý ádisimen jeńedi.

UFC prezıdenti Dana Ýaıt Sh.Rahmonovty jeńisimen quttyqtaǵannan keıin, ol qazaq tilindegi jańyltpashtarmen jaýap beredi.

«Kúz, kez, kóz, kúsh, kesh, kósh, kir, ker, kór, kúl, kel, kól», «Arqada alty arqar bar, qyrqada qyryq arqar bar», - deıdi qazaqstandyq jekpe-jek sheberi.

Keıin UFC prezıdenti D.Ýaıt Shavkat Rahmonov chempıon Leon Edvardspen mindetti túrde jekpe-jek ótkizýi tıistigin aıtady. Osy kezde Belal Muhammad shyǵyp, ózine múmkindik berýdi, bul aıqasqa dıvızıonda tek ózi ǵana laıyqty ekenin aıtady. Buǵan D.Ýaıt onyń betinen jurydyqpen uryp jaýap beredi.

Eske salaıyq, ústimizdegi jeltoqsan aıynda Las-Vegas (AQSh) qalasynda 296-týrnıri ótip, Shavkat Rahmonov oktagonda Stıven Tompsonmen kezdesti. Bul jartylaı orta salmaqtaǵy jekpe-jek úsh raýndqa josparlanǵanymen, ekinshi raýndta Rahmonovtyń jeńisimen aıaqtaldy.

Osy jeńisinen keıin qazaqstandyq faıter UFC-diń jartylaı orta salmaq sanatyndaǵy reıtıngisinde úshinshi orynǵa kóterildi. Onyń aldynda Belal Muhammad (2-oryn), Kamarý Ýsman (1-oryn) jáne chempıon Leon Edvards ornalasqan. Kolbı Kovıngton besinshi orynǵa syrǵydy.