Kúıdirgi joq: Abaı oblysyndaǵy aýyldan tótenshe jaǵdaı rejımi alyndy

<p><span style="font-family: sans-serif; font-size: 18px;">Abaı oblysy Besqaraǵaı aýdanyndaǵy Jetijar aýylynan tótenshe jaǵdaı rejımi alyndy, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Oblys ákimdiginiń málimetine súıensek, Besqaraǵaı aýdany ákiminiń 25 qyrkúıektegi sheshimimen zalalsyzdandarý jumystarynyń aıaqtalýyna baılanysty Jetijar aýylynda tótenshe jaǵdaı rejımi toqtatyldy.

«Aýyl turǵynynan alynǵan PTR-synamanyń, qan men jaradan analızderdiń qorytyndysynda kúıdirginiń belgileri anyqtalǵan joq. Medıtsınalyq dıagnoz – betiniń sol jaǵyndaǵy stafılokokty-streptokokty karbýnkýl. Qazirgi ýaqytta patsıent em qabyldap jatyr. Jaǵdaıy turaqty, dene qyzýy qalypty», –delingen aqparatta.

Eske salsaq, 20 qyrkúıek kúni Abaı oblysyndaǵy Jetijar aýylynyń turǵyny kúıdirgige (sibir jarasy) shaldyqty degen kúdik týyndady. Soǵan baılanysty aýylda tótenshe jaǵdaı jarııalanǵan edi.

Naýqastan PTR-synama alynyp, onyń nátıjesimen sibir jarasy anyqtalǵan joq.