Kýveıtte órtten 41 adam qaza tapty

<p>ASTANA. KAZINFORM — Mangaf qalasynda úı órtenip, 41 adam kóz jumdy. Olardyń arasynda sheteldikter de bolýy múmkin, dep jazady <a href="https://www.reuters.com/world/middle-east/least-35-people-killed-fire-southern-kuwait-state-media-2024-06-12/" target="_blank" rel="noopener">Reuters.</a></p>

Eldiń premer-mınıstriniń orynbasary Fahad ıÝsýf Saýd al-Sabah ǵımarat ıeleri qaýipsizdik sharalaryn saqtamaǵanyn aıtty.

«Bul jaǵdaı ǵımarat ıeleriniń sarańdyǵynyń kesirinen bolyp otyr. Olar qarajat únemdep, tıisti talaptardyń birin de oryndamaǵan», — deıdi sheıh. 

Qyzyl jalyn búgin tańsáride tutanǵan. Eldiń kúsh qurylymdary ondaǵan adamnyń jaraqat alǵanyn aıtady. 

«Ol ǵımaratta jumysshylar turyp jatqan edi. Órt bastalǵanda oqıǵa ornyna jetip, júzdegen adamdy qutqardyq. Ókinishke qaraı, kóbi tútinge tunshyǵyp, tirideı órtendi», — deıdi general-maıor Id Rashed Hamad. 

Qazir órttiń neden shyqqany anyqtalyp jatyr.

 

Janel Nurbolatqyzy