Kýveıt avıakompanııasy Qazaqstanǵa turaqty reıster oryndaıdy
Memleket basshysynyń tapsyrmasymen engizilgen «ashyq aspan» rejımi aıasynda Kýveıt áýe kompanııalaryna Qazaqstannyń 11 áýejaıyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı) 5-shi «áýe erkindigin» paıdalaný múmkindigimen reıster sanyna shekteýlerdi alyp tastaýdy kózdeıtin turaqty ushýlardy oryndaýǵa jaǵdaı jasaldy. Engizilgen «ashyq aspan» rejımi aıasynda eki eldiń taǵaıyndalǵan áýe kompanııalary aptasyna 14 turaqty jolaýshylar reısin jáne 5-shi «áýe erkindigi» bar shekteýsiz júk reısterin oryndaý quqyǵyna ıe boldy», - dep atap ótedi komıtetten.
Taraptar áýe qatynasy týraly úkimetaralyq kelisim jobasynyń mátinin aldyn ala maquldap, oǵan qol qoıý jónindegi jumysty jalǵastyrýǵa kelisken. Sondaı-aq, eki eldiń taǵaıyndalǵan áýe kompanııalaryna ushýlardy oryndaý kezinde kodtardy birlesip paıdalaný týraly kommertsııalyq kelisimder jasaýǵa múmkindik berilgen.
«Qol jetkizilgen ýaǵdalastyqtardyń nátıjesinde Kýveıttiń »Jazeera Airways« áýe kompanııasy 2020 jyldyń jazǵy kezeńinen Qazaqstanǵa turaqty reısterdi bastaýdy josparlap otyr», - dedi vedomstvodan.
Buǵan deıin Túrkııa, Malaızııa, Avstrııa avıakompanııalarymen áýe qatynasyn keńeıtý boıynsha ýaǵdalastyqtarǵa qol jetkizilgenin habarlaǵan edik.