Qutqarýshylarǵa aı saıyn páteriniń arendasyn tóleýge kómek berilýi múmkin

ASTANA. QazAqparat – Úkimet basshysy Álıhan Smaıylov Senat depýtattarynyń saýalyna bergen jaýabynda qutqarýshylarǵa turǵyn úı tólemin berý máselesin arnaıy jumys toby pysyqtap jatqanyn aıtty, dep habarlaıdy QazAqparat tilshisi.

«Qutqarýshylarǵa turǵyn úı tólemin usyný máselesine kelsek, qoldanystaǵy zańnama boıynsha turǵyn úı tólemin arnaıy memlekettik organdardyń, ishki ister organdarynyń (tizbedegi jekelegen sanattaǵy qyzmetshiler) jemqorlyqqa qarsy is-qımyl jónindegi ýákiletti organnyń jedel tergeý bólimsheleriniń qyzmetshileri jáne áskerıler, osy sanattaǵylardyń otbasy músheleri alady. Qazirgi tańda Memleket basshysynyń tapsyrmasyn oryndaý aıasynda turǵyn úı tólemin berýdiń tásilderi men tetikteri qaıta qaralyp jatyr», - deıdi Álıhan Smaıylov.

Onyń sózinshe, Premer-Mınıstrdiń orynbasary - Qarjy mınıstri Erulan Jamaýbaevtyń basshylyǵymen tıisti jumys toby qurylǵan.

«Osy jumys tobynyń aıasynda turǵyn úı zańnamasyn jetildirip, atalmysh maqsatqa jumsalatyn bıýdjet shyǵyndaryn ońtaılandyrýǵa, bólingen qarajatty maqsattan tys paıdalanýdy boldyrmaýǵa baǵyttalǵan birqatar usynys ázirlendi. Pysyqtalǵan tásilderdi iske asyrý nátıjesinde turǵyn úı tólemin alatyn sanattardyń tizbesin keńeıtý máselesi qaralady. Onyń ishinde azamattyq qorǵanys qyzmetkerleri de bar», - delingen Úkimet basshysynyń jaýabynda.