Qutqarýshylardyń qazirgi jalaqysy jetkilikti dep aıta almaımyz - vıtse-mınıstr

ASTANA. QazAqparat – Ortalyq kommýnıkatsııalar qyzmetinde ótken brıfıngide Tótenshe jaǵdaılar birinshi vıtse-mınıstri Ibragım Kúlshimbaev qutqarýshylar alatyn eń tómengi jalaqy mólsherin aıtty, dep habarlaıdy QazAqparat tilshisi.

«Qazirgi jalaqy jetkilikti dep aıta almaımyz. Bizdiń órt sóndirýshilerdiń eń tómengi jalaqysy – 110-108 myń teńge. Al ortasha jalaqy, ıaǵnı ofıtserlerdi qosa eseptegende 200 myń teńgeden asady. Keler jyldyń bıýdjetine bul máseleni qarastyrdyq. Memleket basshysynyń osyndaı sheshim qabyldaýynyń arqasynda kelesi jyly biz qyzmetkerlerdiń jalaqysyn 40 paıyzǵa kóbeıtýdi josparlap otyrmyz. Ol 2023 jyldyń qańtarynan bastap tólenedi», - dedi Ibragım Kúlshimbaev.

Aıta keteıik, taıaýda Almaty qalasynyń halqymen kezdesý barysynda Tótenshe jaǵdaılar mınıstri ıÝrıı Ilın atalǵan sala mamandary áleýmettik jaǵynan az qorǵalǵanyn málimdegen edi.

Eske salsaq, qyrkúıek aıynda Qostanaı oblysynda bolǵan alapat órt kezinde óńirge arnaıy barǵan Memleket basshysy mınıstrlik basshylyǵyna qyzmetkerlerdiń áleýmettik máselelerin sheshýdi tapsyrǵan bolatyn.

Aıta keteıik, Prezıdent Qasym-Jomart Toqaev qutqarýshylardy búgingi kásibı merekesimen quttyqtady .