Qutqarýshylar jyl basynan beri 9 myńnan astam adamdy túrli qaýipten aman alyp qalǵan
Baspasóz qyzmetiniń málimetterine qaraǵanda, jyl basynan beri TJM órt sóndirý qyzmeti, jedel-qutqarý jáne basqa da bólimsheleri 61 983 ret oqıǵa ornyna shyǵyp, 9 863 adamdy qutqardy, tótenshe jaǵdaı aımaǵynan 10 627 adamdy evakýatsııalap, 3 690 zardap shegýshige alǵashqy medıtsınalyq kómek kórseti.
9 727 tabıǵı jáne tehnogendik sıpattaǵy tótenshe jaǵdaılar men oqıǵalar tirkeldi, onda 1 481 adam zardap shekti.
TJM kezekshi-dıspetcherlik bólimsheleri SMS-habarlamalardyń bekitilgen tizbesine sáıkes uıaly baılanys telefondaryna SMS-habarlamalardy jiberý arqyly tabıǵı jáne tehnogendik sıpattaǵy tótenshe jaǵdaılardyń týyndaý qaýpi týraly halyqty habardar etý jóninde dereý sharalar qabyldaıdy.
«Uıaly baılanys operatorlary arqyly halyqqa aýa raıyna baılanysty eskertý (kóktaıǵaq, qatty jel, boran, qatty aıaz, jańbyr sýynyń qaýpi, qar kóshkini qaýpi jáne t.b.), tas joldarynyń jabylýy, sabaqtardyń toqtatylýy boıynsha 4558 sms-habarlama jiberildi.
Jedel den qoıýdy jáne sheshim qabyldaýdy talap etetin aqparat belgilengen tártipke sáıkes dereý tıisti basqarý organdaryna jetkiziledi»,-delingen habarlamada.