Qutqarýshylar Qostanaı oblysyn qara tútin basý sebebin atady

QOSTANAI. QazAqparat – Keshe keshke Qostanaıdy qara tútin basty. Qostanaı oblystyq TJD munyń sebebin atady, dep habarlaıdy QazAqparat.

Reseı TJM Qorǵan oblysy boıynsha Bas Basqarmasynyń málimetinshe, keshe osy óńirdegi Novotroıtskıı eldi mekeni aýmaǵynda orman jáne qurǵaq shóp órtengen.

«Jel baǵytynyń ózgerýinen qoıý tútin shekaralas jatqan Soltústik Qazaqstan men Qostanaı oblystaryna, odan keıin Qostanaı qalasyna taraǵan», - dep túsindirip ótti vedomstvodan.

Qostanaıdyń ózinde jáne qala tóńiregindegi jaǵdaı turaqty, órt oqıǵalary joq.

Buǵan deıin Arqalyq mańynda dala órti bir táýlikke jýyq ýaqyt sóndirgeni habarlanǵan bolatyn.