Qutqarýshylar Almaty oblysy Saty aýylyndaǵy sel boıynsha málimdeme jasady

QONAEV. QazAqparat - Almaty oblysynyń tótenshe jaǵdaılar departamenti Kegen aýdany Saty aýylyndaǵy sel boıynsha málimdeme jasady, dep habarlaıdy QazAqparat.

«Qurmetti BAQ ókilderi! Osy másele boıynsha birqatar jarııalanymda bul oqıǵa ótken táýlikte bolǵany jazylmaǵan. Osyǵan baılanysty qoǵamda oqıǵanyń búgin bolyp jatqany týraly pikir qalyptasty. Kegen aýdanynyń Saty aýylyndaǵy kóshelerdi sý basqany týraly búgin taraǵan fotosýretter men vıdeolar keshegi jaǵdaı ekenin atap ótken durys. Búgingi tańda atalǵan eldi mekende jaǵdaı turaqty, sý basyp jatqan joq» dep málim etti departamentten.

Esterińizge sala keteıik, keshe 6 shildede Saty aýylynda sel júrdi.

Nóser jańbyr saldarynan Ultaraq ortalyq kóshesi boıymen júrip ótken aǵyn sý jıyrma aýlaǵa jaıylǵan.

Qazir sý jerge sińip ketken. Sý sorý jumysy júrgizilgen joq. Eshkim zardap shekpegen, eshteńe qıramaǵan.