Qutqarýshylar órtengen úıdiń árbir páterin tekserip jatyr

<p> ASTANA. KAZINFORM — Astanada kópqabatty turǵyn úıden shyqqan órtpen kúres áli júrip jatyr. Bul týraly Tótenshe jaǵdaılar mınıstrliginiń resmı ókili Dınara Nurǵalıeva málim etti.</p>

«Tilsiz jaýmen kúreske 80-ge jýyq maman jáne 17 tehnıka jumyldyryldy. Órt bolǵan aýmaqta arnaıy shtab quryldy, qazir kópqabatty turǵyn úıdegi árbir páter tekserilip jatyr. Dál qazirgi aqparat boıynsha zardap shekkender joq», — dedi Dınara Nurǵalıeva oqıǵa ornynda BAQ ókilderiniń saýalyna jaýap berip. 

Foto: Dáýlet Іztileý/Kazinform

Degenmen oqıǵa ornynda jedel járdem qyzmetkerleri kómekke daıyn tur.

Onyń aıtýynsha, ǵımarat 27 qabattan turady, onyń ishinde 26 qabaty — turǵyn úı. 

Foto: Erbol Kazıstaev/Kazinform

«Kópqabatty turǵyn úıdiń 180 sharshy metrin jalyn sharpydy. Turǵyndar ýaqtyly evakýatsııalandy, naqty aıtqanda TJM mamandarynyń kómegimen 8 adam qutqaryldy, onyń ishinde 2 bala bar», — deıdi ol. 

Foto: Dáýlet Іztileý/Kazinform

Buǵan deıin agenttik tilshisi oqıǵa ornynan fotoreportaj jasaǵan edi. 

Eske sala keteıik, búgin astanada kópqabatty úıdiń 26-qabatynan órt shyqty.

Qutqarýshylar 8 adamdy qaýipsiz jerge shyǵardy. Arnaıy shtab quryldy.

Oqıǵa ornynda Tótenshe jaǵdaı mınıstri Shyńǵys Árinov júr.