Qutqarýshylar Almaty turǵyndaryn taýǵa shyǵýdan bas tartýǵa shaqyrdy

<p>ALMATY. KAZINFORM - &laquo;Qazseldenqorǵaý&raquo; MM qyzmetkerleri &laquo;Qazgıdromet&raquo; RMK mamandarymen birlesip kóshkin qaýpi bar ýchaskelerdi tekserý kezinde Úlken Almaty ózeniniń basseıninde, sondaı-aq Talǵar ózeni alqabynda jalpy kólemi 13750 tekshe metr qar kóshkini ózdiginen túskenin anyqtady.</p>

Bul týraly QR Tótenshe jaǵdaılar mınıstrligi habarlady.

Qar kóshkinderiniń basym bóligi kólbeý jáne taýlardyń eteginde toqtap, tórt qar kóshkini kólge tústi.

Qazseldenqorǵaý, Almaty qalasy polıtsııa men TJ departamentteriniń qyzmetkerleri blok bekketter qoıyp, halyqtyń júrip-turýyn shekteý boıynsha sharalar qoldandy. Sonyń nátıjesinde qaıtys bolǵandar men zardap shekkender joq.

Qardyń bir bóligi Úlken Almaty ózenine aparatyn avtojoldy jaýyp tastady. Jol tazartyldy, eshbir ǵımaratqa zalal kelmedi.

Qazseldenqorǵaý jáne Almaty qalasy TJD mamandary qar kóshkini qaýpiniń joǵary bolýyna baılanysty (taýlardyń betkeılerindegi qardyń turaqsyz jaı-kúıi) jaqyn kúnderi taýǵa, onyń ishinde Bogdanovıch muzdyǵy aýdanyna barmaýǵa keńes beredi.

Almaty qalasynyń TJ jáne polıtsııa departamentteri osy avtojol boıynda aldyn ala avtokóliktiń júrýin shekteý jónindegi blok beket qoıdy. Qaýipti ýchaskelerde eskertý qalqandary ornatyldy.

Óz kezeginde, Qazseldenqorǵaý qar kóshkini qaýpi bar kezeńniń basynan bastap jalpy kólemi 9200 m³ astam qar kóshkininiń 4 profılaktıkalyq túsýin júrgizdi (shamamen 10 myń).