Kútim balyǵy Qazaqstannyń qyzyl kitabynan shyǵarylýy múmkin
«Ósimdikter men janýarlardyń sırek kezdesetin jáne quryp ketý qaýpi tóngen túrleriniń tizbesin bekitý týraly» QR Úkimetiniń 2006 jylǵy 31 qazandaǵy № 1034 qaýlysymen kútim balyǵy sırek kezdesetin jáne quryp ketý qaýpi tóngen janýarlar túrleriniń tizbesine engizilgen», -dedi ol jaýabynda.
Onyń atap ótýinshe, «Janýarlar dúnıesin qorǵaý, ósimin molaıtý jáne paıdalaný týraly» QR Zańynyń 3-babynyń 2-tarmaǵyna sáıkes janýarlar túrlerin sanattarǵa jatqyzý jáne olardy bir sanattan basqasyna aýystyrý janýarlar dúnıesiniń túrlik sanalýandyǵyn saqtaý, olardy qorǵaý, ósimin molaıtý jáne ornyqty paıdalaný maqsatynda bıologııalyq negizdeme negizinde vedomstvoaralyq zoologııalyq komıssııanyń usynymy boıynsha júrgiziledi.
«Óz kezeginde, 2022 jyldyń basynan beri «Kaspıı teńiziniń qazaqstandyq bóligindegi bıologııalyq resýrstardyń jaǵdaıyn baǵalaý boıynsha keshendi teńiz zertteýlerin júrgizý» bıýdjettik baǵdarlamasy aıasynda Kaspıı teńizinde mamandyrylǵan ǵylymı uıymmen tıisti ǵylymı zertteýler júrgizilýde. Onyń ishinde kútim balyǵyn tizbeden shyǵarý boıynsha jumystar qarastyrylǵan jáne zertteýlerdi shilde aıynda aıaqtaý josparlanyp otyr. Ǵylymı uıym tıisti qorytyndy usynǵan jaǵdaıda qoldanystaǵy zańnama aıasynda mınıstrlik kútim balyǵyn tizbeden shyǵarý boıynsha tıisti sheshimder qabyldaıtyn bolady», - dedi Álııa Shalabaeva.