Kúshtik organdarǵa jalaqy tóleýdiń jańa teńgerimdi júıesine kóshý pysyqtalýda

ASTANA. QazAqparat – Kúshtik organdardyń eńbegine aqy tóleýdiń jańa teńgerimdi júıesine kóshý tásilderi pysyqtalyp jatyr. Bul týraly Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy QazAqparat tilshisi.

«Memleket basshysynyń tapsyrmasyna sáıkes, Ulttyq ekonomıka mınıstrligi múddeli memlekettik organdarmen birlesip, laýazymdyq aılyqaqylardyń ózara baılanysty syzbasyn engizýdi kózdeıtin barlyq kúshtik organdardyń eńbegine aqy tóleýdiń jańa teńgerimdi júıesine kóshý jónindegi tásilderdi pysyqtaýda.

Osyǵan baılanysty akademııanyń (Málik Ǵabdýllın atyndaǵy Azamattyq qorǵaý akademııasy) professorlyq-oqytýshylyq quramynyń jalaqysyn kóterý máselesi joǵaryda atalǵan jumys aıasynda qaralatyn bolady», - delingen Úkimet basshysynyń jaýabynda.