Kúshtik qurylym qyzmetkerleriniń jalaqysy kóterilmek
«Qorǵanysqa qatystynyń bári qupııa júrgiziledi. Jalpy sózben aıtar bolsaq, kúshtik qurylymdardyń jalaqysyn kóterý jaıynda bolyp otyr. Oǵan Qorǵanys mınıstrligi, Ulttyq qaýipsizdik komıteti, Memlekettik kúzet qyzmeti jáne basqa da memlekettik organdar kiredi», - dedi Dáýren Temirbekov Senatta 2023 jylǵa arnalǵan respýblıkalyq bıýdjetti naqtylaý týraly zań jobasyn talqylaýdan keıin BAQ ókilderiniń saýalyna oraı.
Biraq, vıtse-mınıstr naqty tsıfr aıta almaıtyndyǵyn jetkizdi.
«Men aqparat bere almaımyn. Óıtkeni, bul qupııa aqparat sanalady. Sebebi, qorǵanys shyǵystaryna qatysty bıýdjettiń ashyq jáne jabyq bóligi bar. Bul tek Qazaqstanda ǵana emes jalpy tájirıbe sanalady. Barlyq ýaqytta da osylaı bolyp keldi jáne bola da beredi. Kúshtik qurylymdar barlyq ýaqytta jarııa bolmaıdy. Málimetter bıýdjettiń ashyq bóliginde de joq», - dedi ol.