Kúshimiz – birlikte: Atyraýdan 8 tonna azyq-túlik, ózge de zattar Aqtóbe oblysyna jiberildi

<p>ATYRAÝ. KAZINFORM &ndash; Atyraý oblysynyń turǵyndary úsh kúnde 8 tonna azyq-túlik, kıim men dári-dármek jınady. Búgin gýmanıtarlyq kómek zattary sý tasqynynan zardap shekken Aqtóbe oblysyna jóneltildi.&nbsp;</p>

Atyraýdaǵy Jastar resýrstyq ortalyǵynyń basshysy Mánsııa Saǵıdollaevanyń aıtýynsha, gýmanıtarlyq kómek zattary «Kúshimiz – birlikte!» aktsııasy aıasynda úsh kúnde jınalǵan. 

«Elimizdiń biraz óńiri sý tasqynynan zardap shekti. Otandastarymyz tabıǵı apattyń qyspaǵynda qalyp, qınalǵan sátte qoldaý bildirýdi jón kórdik. Sol sebepten, «Kúshimiz – birlikte!» aktsııasy aıasynda oblystyq ishki saıasat basqarmasy arnaıy shtab qurǵan bolatyn. Úsh kúnde atyraýlyqtar 8 tonna azyq-túlik, kıim, gıgıenalyq zattar men dári-dármek jınady. Gýmanıtarlyq kómekti jınaýǵa jergilikti kásipkerler men belsendi azamattar, qalalyq jáne oblystyq máslıhattardyń depýtattary, tipti qarapaıym turǵyndar úles qosty», -deıdi Mánsııa Saǵıdollaeva.

Onyń aıtýyna qaraǵanda, 2 júk kóligine tıelgen gýmanıtarlyq kómek zattary Aqtóbe oblysyna jiberildi. 

Eske sala ketelik, budan buryn Atyraýda Oıyl ózeniniń mańynan 7 sharýa qojalyǵy qaýipsiz aýmaqqa kóshirilgenin jazǵan edik.