#KúshimizBirlikte: Sabyrlyq tanytaıyq, aǵaıyn - Rysqalı Ábdikerov
«Keshe ǵana Memleket basshysy Qasym-Jomart Kemeluly Toqaev Qaýipsizdik keńesiniń otyrysynda elimizde qalyptasqan ahýaldyń qıyndyǵyna baılanysty birqatar jedel sharalar qabyldaý qajet ekenin atap ótti. Sonymen qatar buzaqylar jasaǵan terrorıstik aktiniń uıymdastyrýshylary naǵyz terrorıster ekeni anyqtaldy. Olar Almaty men basqa da qalalarda keıbir qarý-jaraq saqtalǵan qoımalardy basyp alyp, el ishinde iritki salýda. Osyǵan baılanysty Memleket basshysy Ujymdyq qaýipsizdik sharty uıymyna múshe memleket basshylarynan bitimgerlik kómek suraǵan bolatyn. Men bul usynysty óz basym tolyqtaı qoldaımyn. Sebebi, azamattarymyzdyń qaýipsizdigi men tynyshtyǵyn qorǵaý Konstıtýtsııa boıynsha Prezıdentimizdiń basty mindeti. Sondyqtan, búgingi ahýalǵa túsinistikpen qarap, sabyrlylyq tanytaıyq, aǵaıyn», - dedi Senat depýtaty.