#KúshimizBirlikte: Qasıetti qazaq eliniń urpaǵy ekenimizdi kórsete bileıik

NUR-SULTAN. QazAqparat – Tarıhı aýyr sátte qasıetti qazaq eliniń urpaǵy ekenimizdi kórsete bileıik. Mundaı pikirdi QR Memlekettik syılyǵynyń laýreaty, Ál-Farabı atyndaǵy QazUÝ professory, akademık Asqarbek Qusaıynov bildirdi

«Prezıdent Qasym-Jomart Toqaev óz Joldaýynda eldegi jaǵdaıǵa jan-jaqty baǵa berip, halyqty birlikke, sabyr saqtaýǵa shaqyrdy. Qazaq halqy álemdegi eń kóne halyqtardyń biri. Ol ǵasyrlar boıǵy damý tarıhynda qandaı jaǵdaılar bolsa da jeńiske jetip, álem sahnasynda óziniń zor abyroıyn saqtaı bilgen halyq. Ata-balalarymyz óziniń asqan danalyǵymen, birligimen, batyrlyǵymen, osyndaı jer baılyǵyn, el baılyǵyn keleshek urpaǵy - bizderge mura etip qaldyra bildi. Osy bir tarıhı aýyr sátte árqaısymyz barlyq is-qımylymyzdy álem jurtshylyǵy baıqap-baǵdarlap, oǵan baǵa berip otyrǵanyn tereń túsinip, ata-baba amanatyn joǵary ustaǵan, qasıetti qazaq eliniń urpaǵy ekenimizdi kórsete bileıik. Men sizderdi soǵan shaqyramyn», - dedi Asqarbek Qusaıynov.