#KúshimizBirlikte: Alash balasy úshin qıyn syn-saǵattar týyp tur - Nurtóre Júsip

NUR-SULTAN. QazAqparat - Alash balasy úshin qıyn syn-saǵattar týyp tur. Bul týraly QR Parlamenti Senatynyń depýtaty Nurtóre Júsip aıtty, dep habarlaıdy QazAqparat tilshisi.

Qazaq úshin, jalpy Alash balasy úshin óte bir qıyn kúnder, qıyn syn-saǵattar týyp tur. Abaı atamyzdyń «qaıǵy kelse qarsy tur, ońǵaqqa erme» degen sózi bar. Ońǵaqqa erýdiń aıaǵy ne bolǵanyn halqymyzdyń bári kórip otyr. Sondyqtan eń qymbat Táýelsizdikten aıyrylyp qalmaý - basty maqsat bolý kerek. Esti jııý kerek, eldikten aıyrylmaý kerek. Sondyqtan da barsha aǵaıynǵa aıtar sóz – Táýelsizdigimiz, azattyǵymyz, memlekettigimiz - eń basty qundylyq. Memleket bolmasa biz kimbiz? Memleket bolmasa biz qulmyz. Osyny uǵyný kerek dep aıtqym keledi. Óte aýyr jaǵdaı. Qaza tapqandardyń otbasyna kóńil aıtamyn. Halqymyzǵa toptasý, birlik, yntymaq, yrys, baqyttyń qadirin bilý, bardyń qadirin bilý qajet dep esepteımin. Aman bolaıyq», - dedi senator.