Kúshimiz birlikte: Elordada 500-ge jýyq erikti ǵımarattar men áleýmettik nysandardy qaraýyldap tur

NUR-SULTAN. QazAqparat – Nur-Sultanda erikti azamattar qaladaǵy qoǵam qaýipsizdigin qamtamasyz etýge óz úlesterin qosyp jatyr, dep habarlaıdy QazAqparat tilshisi «Habar 24» telearnasyna silteme jasap.

Qarapaıym qala turǵyndary tártip saqshylarymen birge astanalyqtardyń tynyshtyǵyn kúzetýde. Olar ákimshilik ǵımarattar men áleýmettik mańyzdy nysandardy buzaqylardan qaraýyldap tur.

Eriktilerdiń qatarynda sportshylar, kásipkerler, ustazdar, dárigerler men volonterler bar. Barlyǵy 500-ge jýyq.

«Biz qala tynyshtyǵyn kúzetý úshin óz erkimizben shyqtyq. Osyndaı qıyn sátte bárimiz birlikke kelip, bir-birimizge kómekteskenimiz durys. Bárimizdiń otbasymyz bar, balamyz bar. Biz solardyń erteńin oılaýymyz kerek. Patrıot bolaıyq, el tynyshtyǵyn birigip qorǵaıyq», - deıdi elorda turǵyny.

Sondaı-aq, jınalǵandar buzaqylyq pen lańkestikke qarsy ekendikterin jetkizdi.