Kúsh jınap, jeńiske qaıta umtylamyz — Mılad Karımı

<p>ALMATY. KAZINFORM &mdash; Parıj Olımpıadasynan 5-orynmen oralǵan sporttyq gımnastıkadan Ulttyq qurama múshesi Mılad Karımı aldaǵy josparlarymen bólisti.</p>

— Ózimniń jattyǵýym — kerme snarıadynyń fınalyna shyǵa almadym. Biraq erkin jattyǵýdyń fınalynda baq synadym. Bul da maǵan jaqyn saıys. Jalpy jaman emes óner kórsettim dep oılaımyn. Aldaǵy jospar boıynsha, aldymen demalý kerek. Oıymdy jınaqtap qateliktermen jumys isteý qajet. Odan keıin jańa kúshpen jeńiske umytylamyz, — dedi sportshy.

Foto: Dosbol Atajan\Kazinform

Sondaı-aq Mılad Karımı qazaqstandyqtardyń qoldaýyn sezingenin aıtyp, jankúıerlerge alǵys aıtty.

Parıjden oralǵan sportshylardy Almaty áýejaıynda saltanatty kútip alý rásimi kezinde Narıman Qurbanov pen Mılad Karımıge 1 mıllıon teńgelik sertıfıkat tabystaldy.

Eske salaıyq, 3 tamyz kúni Mılad Karımı erkin jattyǵý saıysynda 5-orynǵa ıe bolǵan edi. 

Aıta keteıik, buǵan deıin Olımpıada jeńimpazdary Almatyǵa oralǵanyn jazǵanbyz.