Qusbegilikten el chempıonatynyń jeńimpazdary anyqtaldy

<p>ASTANA. KAZINFORM &ndash; Shyǵys Qazaqstan oblysyna qarasty Ulan aýdany Bozanbaı aýylynda ótip jatqan 2024 jylǵa arnalǵan qusbegilikten eresekter arasyndaǵy XVII QR chempıonatynda jeńimpazdar belgili boldy.</p>

Búrkitshiler arasynda 1-oryndy Atyraý oblysynyń búrkitshisi Abdýlkarımuly Sarmat jeńip alsa, 2- oryndy Almaty oblysynyń búrkitshisi Seıitjan Aıan ıelendi.

Úzdik úshtikti taǵy bir atyraýlyq búrkitshi Arman Kýshkarov qanjyǵasyna baılady.

Qarshyǵa saıysynda bas júldeni Túrkistan oblysynyń qusbegisi Bazarbaev Ibragım, 2-3- oryndardy sáıkesinshe Almaty oblysynyń qusbegileri Murat Kodekov pen Saǵynysh Baıetbaı qanjyǵasyna baılady.

Itelgi saıysynan Qaraǵandy oblysynyń qusbegisi Tańat Ospanqulov bas júlde aldy. 

2-orynǵa pavlodarlyq Ermek Imanzaıyp ıe boldy. 

Al 3-oryndy Túrkistan oblysynyń qusbegisi Dáýren Arshabaı men qaraǵandydyq Temiráli Tólegenuly ózara bólisti.

Ulttyq sporttyń bul túri aldaǵy qyrkúıekte Astanada ótetin 5-shi Dúnıejúzilik kóshpendiler oıynynyń sport baǵdarlamasyna engen.

Jalpy saıysqa elimizdiń 12 oblysynan 59 búrkit, 14 qarshyǵa, 21 ıtelgi ákelingen.

Chempıonatqa elimizdiń 10 oblysynan jáne 2 qaladan 100-ge jýyq qusbegi qatysty. Tirkeýden 61 búrkit, 21 qarshyǵa, 14 ıtelgi ótti. 

Jeńimpazdar arnaıy kýbok, dıplom, medaldarmen jáne túrli qarjylaı syılyqtarmen marapattaldy.