Qus tumaýy: Arqalyq qalasyndaǵy Rodına aýyly karantınge jabyldy
Buǵan deıin Arqalyq qalasyndaǵy qus fabrıkasynda 300 myńǵa jýyq qus qyrylyp qalǵanyn jazǵan edik. Soǵan baılanysty fabrıka ornalasqan Rodına aýylynda da karantın jarııalandy. Qazir qus fabrıkasyndaǵy ólgen qustar órtelip, dezınfektsııalaý jumysy júrip jatyr. Rodına aýylynyń shekarasyna tosqaýyl beketi qoıyldy. Kirgen-shyqqan turǵyndar qadaǵalaýǵa alynyp, jergilikti turǵyndarǵa túsindirý jumysy júrip jatyr. Karantın aımaǵynan qus eti men jumyrtqa alyp shyǵýǵa tyıym salyndy.
Qazir qaladaǵy «Agroınterqus» fabrıkasynda 500 myńnyń ústinde qus bar. Mundaǵy qyrylǵan qustardy órteý, dezınfektsııalaý barysy Aýyl sharýashylyǵy mınıstrligine qarasty aýmaqtyq ınspektsııanyń baqylaýymen júrgizilýde. Bul jumystardy Qostanaı oblysynda ornalasqan respýblıkalyq epızotııalyq otrıadtyń fılıaly atqaryp jatyr.