Qurylysy uzaqqa sozylǵan Shymkent áýejaıyna qatysty úkimettik komıssııa quryldy

ASTANA. QazAqparat – Shymkent qalasy áýejaıynyń jumys isteýi máseleleri jónindegi úkimettik komıssııa quramy jasaqtaldy, dep habarlaıdy QazAqparat tilshisi.

Premer-Mınıstrdiń ókimimen úkimettik komıssııa quramyna myna laýazymdaǵy tulǵalar endi:

- Premer-Mınıstrdiń birinshi orynbasary, tóraǵa;

- Indýstrııa jáne ınfraqurylymdyq damý mınıstri, tóraǵanyń orynbasary;

- Shymkent qalasynyń ákimi;

- Úkimet Apparaty Basshysynyń birinshi orynbasary;

- Tótenshe jaǵdaılar vıtse-mınıstri;

- Aýyl sharýashylyǵy vıtse-mınıstri;

- Іshki ister mınıstriniń orynbasary;

- Qorǵanys mınıstriniń orynbasary;

- Ekologııa jáne tabıǵı resýrstar vıtse-mınıstri;

- Ulttyq ekonomıka vıtse-mınıstri;

- Qarjy vıtse-mınıstri;

- Ádilet vıtse-mınıstri;

- Ulttyq qaýipsizdik komıteti tóraǵasynyń orynbasary (kelisim boıynsha);

- Bas prokýrordyń orynbasary (kelisim boıynsha);

- Sybaılas jemqorlyqqa qarsy is-qımyl agenttigi tóraǵasynyń orynbasary (kelisim boıynsha);

- Úkimet Apparatynyń Naqty sektordy jáne óńirlerdi damytý bóliminiń óńirlik ınspektory.

«Komıssııa jumysqa dereý kirissin, máselelerdi sheshý boıynsha naqty sharalar qabyldaýdy qamtamasyz etsin», - dep komıssııaǵa mindet júktelgen Premer-Mınıstrdiń ókiminde.

Eske salaıyq, 27 qańtarda Shymkent qalasyna jumys saparymen barǵan Úkimet basshysy Álıhan Smaıylov áýejaı termınalyn salyp bitirýdi tezdetýdi tapsyrǵan edi. Sonymen qatar Premer-Mınıstr Shymkent áýejaıynyń jaǵdaıy halyqaralyq mártebege sáıkes kelmeıtinin aıtyp, jumystardy synǵa aldy.