Qurylystyń ózindik qunyn tómendetý boıynsha sharalar qabyldanýda - B. Jámishev

ASTANA . 14 qańtar. QazAqparat - Aldyńǵy qatarly tehnologııalar men tıptik jobalardy paıdalaný arqyly qurylystyń ózindik qunyn tómendetý boıynsha sharalar qabyldanýda. «Qoljetimdi baspana-2020» baǵdarlamasyn júzege asyrý máselesine arnalǵan Úkimet otyrysynda Óńirlik damý mınıstri Bolat Jámishev osylaı málimdedi.

Mınıstrdiń sózine qaraǵanda, ındýstrııaldyq turǵyn úı qurylysyn damytý aıasynda elimizde jalpy jobalyq qýattylyǵy jylyna 1,5 mln. sharshy metr turǵyn úıdi qamtıtyn 17 turǵyn úı qurylysy kombınattarynyń jobasyn iske asyrý qarastyrylǵan. Bundaı baspanalar qurylys qarqyny jyldamdyǵymen jáne sapasymen, qurylys qunynyń tómendeýimen erekshelenbek. «2013 jyly úı qurylysy kombınaty aıasynda 7 zaýyt paıdalanýǵa berildi. Kombınattar energııa únemdeý men tıimdilik turǵysynda qazirgi zamanǵy talaptarǵa tolyq sáıkes keledi», - dedi B. Jámishev.