Qurylysta jemqorlyqqa tap bolǵandar Antıkordyń WhatsApp nómirine jaza alady
Sybaılas jemqorlyqqa qarsy is-qımyl agenttigi ShQO boıynsha departamentiniń málimetine súıensek, «Bızneske jol» jobasy sheńberinde 3 shildeden bastap Antıkor Shyǵys Qazaqstan oblysynyń memlekettik sáýlet-qurylys baqylaý basqarmasynyń qyzmetinde sybaılas jemqorlyq táýekelderine syrtqy taldaý júrgizip jatyr.
Taldaý barysynda basqarmanyń memlekettik qyzmetter kórsetý, ruqsat berý fýnktsııalaryn, sáýlet, qala qurylysy jáne qurylys qyzmeti salasyndaǵy memlekettik baqylaý jáne qadaǵalaý jumystaryn júzege asyrý rásimderinde sybaılas jemqorlyq táýekelderi jiti tekseriledi.
«Osyǵan baılanysty kórsetilgen máselege qatysty qandaı da bir aqparat, shaǵymdary men usynystary bar azamattar analiz-vko@mail.ru elektrondyq mekenjaıyna nemese 8 775 77 88 099 WhatsApp nómirine joldaı alady. Qurmetti oblys turǵyndary, osy saladaǵy sybaılas jemqorlyq táýekelderin joıý úshin árkimniń pikiri mańyzdy. Sondyqtan shette qalmaýdy jáne azamattyq ustanym tanytýlaryńyzdy suraımyz», – delingen aqparatta.