Qurylysshylar Qazaqstan bıliginen ıpotekalyq baǵdarlamaǵa qoldaý kórsetýdi surap otyr

NUR-SULTAN. QazAqparat – Qazaqstan Qurylysshylary odaǵy el bıligin halyqqa arnalǵan barlyq ıpotekalyq ónimdi saqtap, qoǵamnyń álsiz toptaryna arnalǵan jańa baǵdarlamar engizýdi surap otyr, dep habarlaıdy QazAqparat tilshisi.

«Kúnnen kúnge qurylys materıaldarynyń baǵasy ósip, sharshy metr quny qymbattap barady. Qazaqstan Premer-Mınıstri 62 mln sharshy metr baspana salynatyndyǵyn málimdedi. Bul 2015-2016 jyldardyń kórsetkishimen birdeı. Qazaqstandyqtardy qoldaý, jumyssyzdyqqa jol bermeý úshin paıyzy tómen ıpoteka kerek», - dedi atalǵan Qazaqstan Qurylysshylary odaq tóraǵasy Talǵat Erǵalıev elordada ótken jyldyq esep berý konferentsııasy aıasynda BAQ ókilderine bergen suhbatynda.

Onyń atap ótýinshe, halyq úshin barlyq ıpotekalyq ónimderdi saqtaý jáne ıpoteka boıynsha qorytyndy mólsherleme jyldyq 5% shamasynda bolatyndaı shamada bank kredıtteri boıynsha memlekettik sýbsıdııalaýdy qamtamasyz etý qajet. Sonymen qatar elimizdiń barlyq óńirlerinde ınfraqurylymdyq jobalardy iske asyrý úshin jáne avtojoldar salýǵa salystyrmaly somada 2022 jylǵa arnalǵan memlekettik tapsyrys somasyn 1,2-1,5 trln teńge deńgeıinde eki esege ulǵaıtý kerek.

Sondaı-aq otandyq qurylys ındýstrııasyn qoldaýdyń jańa nysandary qajet. Óıtkeni sońǵy jyldary qurylys materıaldaryna jyl saıyn shamamen 2,6 mlrd AQSh dollary shyǵyndalyp, onyń kem degende jartysy shetelge ketip otyrǵan.