Qurylys jumystaryn júrgizgen aqtóbelik aýlasynan qundy jádiger taýyp aldy

AQTÓBE. QazAqparat - Aqtóbe qalasynyń turǵyny Aıdos Aqdáýlet at ábzelderi men jerleý rásimi kezinde qoldanylǵan temir buıymdy taýyp alyp, arheologtarǵa tapsyrdy, dep habarlaıdy QazAqparat tilshisi.

Bul qundy jádiger bizdiń zamanymyzǵa deıingi V-VI ǵasyrlarǵa jatady. Arheologtar jádigerlerge qarap Aqtóbe qalasynyń Jaman Qarǵaly jáne Jaqsy Qarǵaly ózenderiniń boıynda bizdiń zamanymyzǵa deıingi birinshi myńjyldyqtyń orta tusynda kóshpendiler meken etkenin aıtyp berdi.

«Tabylǵan jádigerdiń bir bóligi at ábzelderi, ıaǵnı, júgeni. Saqtardyń ań stılinde jasalǵan. Jádigerlerdiń biri kóshpindi halyqtyń atqa er salyp mingenin, oǵan qajetti beldikti oılap tapqanyn dáleldeıdi. Bir sózben aıtqanda Qazaqstannyń batys aımaǵynda áskerı is damyp, er toqym oılap tabylǵan bolýy múmkin. Er toqym jumsaq materıaldan ázirlegen bolýy da yqtımal. Taǵy bir jádiger qyshtan jasalǵan. Ony áıelder kóp qoldanady. Qazylǵan jer qurban shalatyn oryn bolýy, onda salt-joralǵy jasalýy múmkin», - dep jazdy arheolog Aslan Mamedov.