Qurylys, taksı: sheteldik eńbek mıgranttary nemen aınalysady

ASTANA. QazAqparat – Elordaǵa kelgen sheteldik eńbek mıgranttary kóbine qandaı kásippen aınalysady? Bul saýalǵa qalalyq poltsııa departamenti kóshi-qon qyzmeti basqarmasynyń basshysy Erbol Mahmetov jaýap berdi, dep habarlaıdy QazAqparat tilshisi.

«Shetel azamattary Qazaqstanda kóshi-qon zańyna saı júrse jáne jergilikti atqarýshy organdarynan ruqsaty bolsa kez kelgen salada eńbek ete alady. Eń bastysy zań aıasynda bolý kerek. Zańbuzýshylyq anyqtalǵan jaǵdaıda máselemen biz aınalysamyz», - dedi Erbol Mahmetov polıtsııa departamentinde ótken baspasóz máslıhatynda.

Spıkerdiń málimetinshe, jyl saıyn kóshi-qon zańyn buzǵan 900-den astam sheteldik elden shyǵarylady.

Sondaı-aq basqarma basshysynyń aıtýynsha, sheteldik eńbek mıgranttary negizinen qurylys salasy, taksı sekildi qoǵamdyq jumystarǵa barady.

«Mysaly, taksı júrgizýshisi shetel azamaty boldy delik, eger kúdik bolǵan jaǵdaıda 102-ge habarlap aıtýǵa bolady. Tártip saqshylary, ol azamatty kóshi-qon bólimine jetkizip, jumys isteýge ruqsatyn tekseredi. Olar ózimen birge eńbek etýge ruqsat qujatyn alyp júrýi tıis. Keri jaǵdaıda zań aıasynda jaýapkershilikke tartylady», - deıdi ol.

Aıta keteıik, bıyl alty aıda kóshi-qon zańyn buzǵan 500-den astam sheteldik elden shyǵaryldy.