Qurylys salasyndaǵy memlekettik qyzmetter elektrondy formatqa kóshiriledi
QR Indýstrııa jáne ınfraqurylymdyq damý mınıstrliginiń qurylys jáne turǵyn úı-kommýnaldyq sharýashylyq isteri komıteti memlekettik qyzmettiń 3 túrin kórsetedi:
- birinshi jáne ekinshi jaýapkershilik deńgeıindegi obektiler boıynsha tehnıkalyq qadaǵalaý jáne tehnıkalyq zerttep-qaraýdy júzege asyratyn zańdy tulǵalardy akkredıtteý;
- obektilerdiń qurylys jobalaryna vedomstvodan tys keshendi saraptama júrgizýge úmitker zańdy tulǵalardy akkredıtteý;
- jobalaý jáne qurylys salý protsesine qatysýshy ınjener-tehnık jumyskerlerdi attestattaý jónindegi memlekettik emes attestattaý ortalyqtaryn akkredıtteý.
Qazirgi tańda bul qyzmetter qaǵaz júzinde iske asyrylyp, mynadaı tetikterdi qarastyrady:
«Qyzmet kórsetý barysynda sybaılas jemqorlyq táýekelderiniń aldyn alý jáne protsesterdiń ashyqtyǵyn qamtamasyz etý maqsatynda komıtet kórsetetin memlekettik qyzmettiń eki túri jyl sońyna deıin elektrondyq formatqa kóshirilip, Elektrondyq úkimet portaly arqyly kórsetile bastamaq. Bul - birinshi jáne ekinshi jaýapkershilik deńgeıindegi obektiler boıynsha tehnıkalyq qadaǵalaýdy jáne tehnıkalyq zerttep-qaraýdy júzege asyratyn zańdy tulǵalardy akkredıtteý jáne jobalaý jáne qurylys salý protsesine qatysýshy ınjener-tehnık jumyskerlerdi attestattaý jónindegi memlekettik emes attestattaý ortalyqtaryn akkredıtteý memlekettik qyzmetteri. Osylaısha qyzmetkerler men qyzmet alýshylar arasyndaǵy baılanysta adamı faktor joıylady. Qarastyrý merzimi 15 jumys kúninen 20-40 mınýtqa deıin qysqarady» delingen habarlamada.
Qazirgi ýaqytta normatıvtik-quqyqtyq aktilerge tıisti ózgerister engizilip, aqparattyq júıelerdiń tehnıkalyq daıarlyǵy pysyqtalýda.
Sonymen birge saraptamalyq qyzmettiń ózin-ózi retteý júıesin engizý (engizý merzimi - 2020 jyl) boıynsha jumystar júrip jatyr. Ol boıynsha jeke saraptamalyq uıymdardy akkredıtteý men jobalardyń jeke saraptamasy boıynsha sarapshylardy attestattaý naryqtyq ortaǵa beriledi. Atalǵan shara saraptama naryǵy sýbektilerine kásibı baqylaý júrgizip, saqtandyrýdy engizý jolymen olardyń jaýapkershiligin kúsheıtedi.