Qurylys materıaldary óndirisin damytýymyz qajet – Talǵat Erǵalıev

ASTANA. QazAqparat – Otandyq qurylys materıaldary óndirisin damytýymyz qajet. Bul týraly Qazaqstannyń Qurylysshylar odaǵy tóralqasynyń tóraǵasy Talǵat Erǵalıev aıtty, dep habarlaıdy QazAqparat tilshisi.

«Qurylys materıaldarynyń 60 paıyzǵa jýyǵyn shetelden tasyp otyrmyz. Sondyqtan kez kelgen ınvestıtsııalyq protses materıaldardyń qunyna qatty áser etedi. Osy sebepti otandyq qurylys materıaldary óndirisin damytýymyz qajet. Biraq, ol úshin naqty baǵdarlama kerek», - dedi ol elordada ótken baspasóz máslıhatynda.

Onyń atap ótýinshe, elimiz qurylys materıaldaryn negizinen Reseı, Germanııa, Túrkııa, Qytaı jáne Irannan satyp alyp otyr. Al respýblıkada qurylysqa qajetti beton, kirpish jáne óńdeý materıaldary shyǵarylady.

«ıAǵnı, úıdiń qańqasyna qoldanylatyn materıaldardy ózimiz shyǵaramyz. Qalǵanyn ózge elderden satyp alyp otyrmyz. Tipti, aǵashtyń ózin Reseıden alamyz. Árıne, valıýta baǵamyna baılanysty qurylys materıaldarynyń qymbattaıtyndyǵy da sózsiz», - dedi Talǵat Erǵalıev.