Qurylys kompanııasynan úı satyp alýdy onlaında rásimdeıtin tehnologııa iske qosyldy

NUR-SULTAN. QazAqparat – Budan bylaı qazaqstandyqtar qurylys kompanııasynan jyljymaıtyn múlik satyp alý rásimin bastan-aıaq onlaın tirkeı alady. ıAǵnı, baspana satyp alǵan turǵyn burynǵydaı qurylys kompanııasy, bank, notarıýs, halyqqa qyzmet kórsetý ortalyǵy sııaqty mekemelerdiń arasynda sabylmaıdy. Astana Hub alańynda osy joba tanystyryldy,dep habarlaıdy QazAqparat tilshisi.

Blokcheın tehnologııasyn qoldanyp jasalǵan joba qazaqstandyqtarǵa jyljymaıtyn múlikti onlaın rejımde satyp alý múmkindigin usynyp otyr. Qarapaıym túsindirsek, buryn páterdi satý-satyp alý protsesin zań talaptaryna saı rásimdep shyǵýǵa birneshe kún ketetin. Jańa qyzmet elektrondy tsıfrlyq qoltańba arqyly búkil protsesti bir kúnde rásimdeýge múmkindik beredi. Joba avtorlarynyń aıtýynsha, qazir bul tásil testi rejıminde synaqtan ótip jatyr. Osy kezeńnen sátti ótse, qurylys kompanııalarynan baspana satyp alýdyń búkil rásimi 15 mınýtqa qysqarmaq.

Jańa qyzmetti BAQ arqyly jurtshylyqqa tanystyrý úshin uıymdastyrylǵan brıfıngige QR Tsıfrlyq damý, ınnovatsııalar jáne aeroǵaryshtyq ónerkásibi mınıstri Baǵdat Mýsın qatysyp, blokcheın tehnologııasynyń artyqshylyǵyn túsindirdi.

Mınıstr osydan bir jyl buryn qazaqstandyqtarǵa jyljymaıtyn múlikti satý-satyp alý rásimin onlaın tirkeıtin tetik qurastyryp, iske qosýǵa ýáde bergenin eske aldy.

«Byltyr men ıpotekany jáne jyljymaıtyn múlikti rásimdeý protsesin ońtaılandyryp, oǵan ketetin ýaqytty 5 kúnnen 1 kúnge deıin qysqartý týraly ýáde bergen bolatynmyn. Jyl basynan beri jyljymaıtyn múlikti tirkeý qyzmetine 1,6 mln adam júgingen eken. Onyń 700 myń notarıýs arqyly qaıtalama naryqtan múlik satyp alǵan. Ol protseste eshqandaı qolaısyzdyq joq. Notarıýste kelisimshart jasaý arqyly búkil jumysty tyndyrady. Al jyljymaıtyn múlikti qurylys kompanııalarynan satyp alý kezinde jáne ıpoteka rásimdeý kezinde birneshe mekemeniń esigin birneshe ret tozdyrýǵa týra keledi», - dedi Baǵdat Mýsın.

Aıtýynsha, osyndaı qyzmetke jyl basynan beri 900 myńnan 1 mıllıonǵa deıin adam júgingen.

«Olardyń árqaısysy halyqqa qyzmetke kórsetý ortalyǵyna 2-3 retten kelgen. Osylaısha qurylys kompnanııasy, bank, notarıýs jáne HKO arasynda sabylyp júretin. Búgin úıdi satyp alý, ony rásimdeý, memlekettik organdarda tirkeý, menshik ıesin aýystyrý sııaqty birneshe protsestiń bárin sheship, bir kúndik merzimge qysqartý úshin osy pılottyq jobany iske asyryp otyrmyz.

«Otbasy bank», Freedom Finance banki ıpotekany onlaın rásimdeý máselesin jarty jyl buryn sheshken bolatyn. Al bul joba páterdi qurylys kompanııalarynan satyp alǵan kezde HKO, notarıýs, bank jáne qurylys kompanııasynyń arasyndaǵy qarym-qatynasty tsıfrlandyryp otyr. Halyk Bank jáne BI Group osy máseleni sheshý úshin ózderi atsalysyp, memleketke usynys berdi. Biraq bul joba osy kompanııalarmen shekteledi degen sóz emes. Basqa da qurylys kompanııalary, bankterdiń bári osy pılottyq jobanyń qyzmetin paıdalana alady», - dedi mınıstr.

Pılottyq jobanyń ómirge kelýine muryndyq bolǵan BI Group kompanııasy men Halyk Bank ókilderi de jobanyń qalaı daıyndalǵanyn baıandady.

Jobany ázirge 2 mekemeniń platformasy paıdalanyp bastady. Onlaın ıpotekanyń tolyq tsıklin atalmysh qyzmet arqyly rásimdeý BI Group pen Altyn Bank saıtynda qoljetimdi.