Qurylys kompanııasy almatylyqtardyń shaǵymynan keıin qoqysty jınady

ALMATY. QazAqparat – Almatynyń Áýezov aýdanynda joldarǵa jóndeý jumystaryn júrgizip, qalǵan artyq topyraq pen asfalt kesekterin jınamaı ketken merdiger kompanııa olqylyqtardy joıdy, dep habarlaıdy QazAqparat tilshisi.

Şepkın kóshesinen Pıatnıtskıı kóshesine deıin sozylǵan uzyndyǵy 750 metr Lodygın kóshesindegi jol jóndeý jumystary boıynsha eskertýler kórsetilgen merzimde joıyldy.

Eske salaıyq, Lodygın kóshesiniń turǵyndary «Nur Otan» partııasynyń Almaty qalalyq fılıalyna shaǵym túsirgen bolatyn.

Merdiger uıym partııalyq baqylaý barysynda nurotandyqtarǵa bergen ýádelerin oryndady.

«Nur Otan» partııasy Almaty qalalyq fılıalynyń partııalyq baqylaý komıssııasy men jergilikti jerdegi nurotandyqtar arasynda osyndaı naqty ózara úılesimdi is-qımyldyń arqasynda nátıje bolady. Mysaly, partııalyq baqylaý jumysyna Almaty memlekettik energetıka jáne elektrondy tehnologııalar kolledjiniń dırektory Tóleýǵalı Muhamedjanuly úlken kómek kórsetti. Ol aýdandyq partııalyq baqylaý komıssııasyn basqarady», - dep atap ótti Áýezov aýdandyq fılıalynyń konsýltanty Dáýren Botbaı.