Quryq portyndaǵy Sarja termınaldarynyń ınfraqurylymyn damytý týraly kelisimge qol qoıyldy

ASTANA. QazAqparat – QR Indýstrııa jáne ınfraqurylymdyq damý mınıstri Marat Qarabaev, Syrtqy ister mınıstriniń orynbasary Almas Aıdarov jáne «Astana»halyqaralyq qarjy ortalyǵynyń basqarýshysy Renat Bekturov portta astyq termınaly men Quryq portyndaǵy «Sarja» kópfýnktsıonaldy teńiz termınalyn salý boıynsha ózara is-qımyldy kózdeıtin Semurg Invest jáne AD Rorts Group kompanııalary arasyndaǵy yntymaqtastyqtyń negizgi sharttary týraly kelisimge qol qoıý rásimine qatysty, dep habarlaıdy QazAqparat tilshisi Indýstrııa jáne ınfraqurylymdyq damý mınıstrliginiń baspasóz qyzmetine silteme jasaı otyryp.

Yntymaqtastyq týraly qujatqa «KAZAKH INVEST» UK» AQ qoldaýymen qol qoıyldy.

AD Ports Group óńirlik dırektory Abdýlazız Zaıed Ál-Shamsı jáne Semurg Invest kompanııasynyń bas dırektory Nurjan Marabaev osy Kelisimdi óz qoldarymen bekitti.

QR Syrtqy ister mınıstriniń orynbasary Almas Aıdarov atap ótkendeı, «BAÁ Qazaqstannyń mańyzdy saýda-ınvestıtsııalyq seriktesi bolyp sanalady. 2023 jyldyń 1-toqsanynyń qorytyndysy boıynsha BAÁ-den QR-ǵa 209,7 mlndollar somasyna tikeleı sheteldik ınvestıtsııalar tartyldy (2022 jyldyń uqsas kezeńimen salystyrǵanda 83,1 mln dollarǵa 2,5 ese ósim).

2005 jyldan bastap 2023 jyldyń 1-toqsanyna deıin 3,38 mlrd dollar somasyna ınvestıtsııalar tartyldy. 2023 jyldyń 1 tamyzynda Qazaqstanda arab kapıtalynyń qatysýymen 250 kompanııa jumys isteıdi.

«Sarja» MMT jobasy Qazaqstannyń iri ınfraqurylymdyq jobalarynyń tizimine kiredi jáne sheteldik ınvestorlar arasynda úlken qyzyǵýshylyq týdyrady.

«Búginde bolashaq termınal aýmaǵynda ÝSQ jumys isteıdi, eki aılaqtyń, kirme temirjol joldarynyń, astyq termınalynyń birinshi fazasynyń jáne bas júk termınalynyń qurylysy aıaqtaldy. Kóp uzamaı alǵashqy júkterdi aýystyryp tıeý kútilýde. Jobany tolyq iske asyrý Transkaspıı halyqaralyq kólik marshrýtynyń ótkizý qabiletin jylyna 10 mln tonnaǵa arttyrýǵa múmkindik beredi», - dedi Nurjan Marabaev.

Abdýlazız Zaıed Ál-Shamsı kelisimge qol qoıǵannan keıin ámirlikter tarapy Quryq portymen Ortalyq Azııadaǵy eksporttyq marshrýttardy damytý úshin asa mańyzdy kóliktik-logıkalyq bastamany iske asyrý boıynsha yntymaqtastyqqa múddeli ekenin atap ótti.

Esterińizge sala keteıik, bıyl jyl basynda Qazaqstan Prezıdenti Qasym-Jomart Toqaevtyń BAÁ-ge sapary ótti. Kelissózder men ınvestıtsııalar jónindegi dóńgelek ústeldiń qorytyndysy boıynsha eki el arasyndaǵy ekonomıkalyq baılanystardy nyǵaıtý maqsatynda AD Ports Group kompanııasy qazaqstandyq teńiz porttarynyń ınfraqurylymyn damytý salasyndaǵy yntymaqtastyq týraly nıet bildirdi.

Naýryz aıynda AD Ports Group kompanııalar toby ókilderiniń Quryq portyna jumys saparymen bardy, onyń barysynda arab seriktesterine «Sarja» kópfýnktsıonaldy teńiz termınalynyń jobasy tanystyryldy, sondaı-aq yntymaqtastyq josparlary talqylandy.

AD Ports Group BAÁ-de 10 port pen termınalǵa ıelik etedi jáne basqarady. Árbir nysan strategııalyq ornalasqan jáne álemdik naryqtarǵa qol jetimdilikti qamtamasyz etý úshin teńiz, áýe, avtomobıl jáne temirjol baılanystaryn paıdalanady.

«SEMURG INVEST» JShS Quryq portyndaǵy «Sarja» kópfýnktsıonaldy teńiz termınalynyń ıesi jáne ázirleýshisi bolyp sanalady. Joba Qazaqstan Respýblıkasynyń 2030 jylǵa deıingi kóliktik-logıstıkalyq áleýetin damytý tujyrymdamasyna engizilgen jáne orta dálizdi damytýda jáne eksporttyq marshrýttardy ártaraptandyrýda mańyzdy ról atqarady. Jobaǵa astyq termınaly, ámbebap júk termınaly, suıyqjúk termınaly, jalpy júk termınaly jáne kólik-logıstıkalyq ortalyq sııaqty birneshe termınaldar kiredi. Jobanyń jalpy josparlanǵanaýystyrý qýaty jylyna 10 mln tonnany quraıdy.