Quryq porty erkin ekonomıkalyq aımaqtar tizimine qosylýy múmkin

AQTAÝ. QazAqparat – Mańǵystaý oblysyndaǵy Quryq portynda júk tasymaly 2,5 esege artty. Port erkin ekonomıkalyq aımaqtar tizimine qosylýy múmkin, dep habarlaıdy QazAqparat tilshisi.

«Aqtaý jáne Quryq portyn erkin ekonomıkalyq aımaqqa engizý jóninde mınıstrliktermen biraz jumystar júrgizilgen. Barlyq tıisti qujattar usynyldy. Úkimet qarap jatyr. Biz de Parlament deńgeıinde ári qaraı erkin aımaqqa engizý jóninde usynys jasap, kómektesýge jumystanamyz», - dedi Mańǵystaýǵa jumys saparymen kelgen QR Parlamenti Senatynyń depýtaty Serikbaı Turymov.

Ózgeris aılaqtyń áleýetin arttyryp, jańa jumys oryndaryn ashýǵa múmkindik bermek. Qazir portta 150-den astam adam turaqty jumys isteıdi. Bıyl júk tasymaly 2,5 esege artqan.