Qurmet Talapqazyǵa Aýyl sharýashylyǵy mınıstri gramota tabystady

NUR-SULTAN. QazAqparat - Búgin Aýyl sharýashylyǵy mınıstri Erbol Qarashókeev qurǵaqshylyqqa tap bolǵan elimizdiń óńirine elden kómek jınap, qolmen shóp shaýyp tasyǵan Qurmet Talapqazyny marapattady, dep habarlaıdy QazAqparat tilshisi.

Belgili bolǵandaı, QR Aýyl sharýashylyǵy mınıstri E. Qarashókeev Qurmet Talapqazymen kezdesip, «Qurmet» gramotasyn tabystady.

«Qurmettiń esimi muqym qazaqqa belgili. Mańǵystaýda mal qyrylyp jatqanda barsha qazaqstandyqtarǵa úndeý tastap, ıgi bastamany qolǵa aldy. Mınıstr Qurmettiń bastamasyn qoldap qoımaı, ony júzege asyrýǵa kómektesken bolatyn. Shabylǵan shópti Mańǵystaýǵa jetkizý úshin ákimdiktermen, QTJ syndy basqa da mekemelermen kelissóz júrgizip, vedomstvo tarapynan qajet qoldaýdy kórsetti. Búgin sáti túsip, sharýalarmen kezdesý barysynda júzbe júz kezdesti. Qazaqta bas kóteretin, aýyldyń máselesine beı-jaı qaramaıtyn azamattar kóp bolsyn!», - dep jazdy Aýyl sharýashylyǵy mınıstrliginiń baspasóz hatshysy áleýmettik jelidegi paraqshasynda.

Eske salsaq, Shymkent qalasynyń 25 jastaǵy turǵyny Qurmet Talapqazy elimizdiń batysyndaǵy qýańshylyqqa tap bolǵan maldy aýyldarǵa jem-shóp jiberý úshin búkil jumysyn tastap, qoǵamdyq bastamaǵa muryndyq bolǵan edi.

Jaqynda Q.Talapqazyǵa Shymkenttegi ýnıversıtette tegin oqý múmkindigi berildi.