Qurlyqtyq hokkeı lıgasynda «Barys» reseılik «Torpedoǵa» ese jiberdi

ASTANA. QazAqparat - Elordalyq «Barys» Qurlyqtyq hokkeı lıgasyndaǵy kezekti oıynyn Reseıde «Torpedo» (Nıjnıı Novgorod) klýbyna qarsy ótkizdi, dep habarlaıdy QazAqparat tilshisi.

Keıingi on kezdesýdiń altaýynda qazaqstandyq klýb jeńiske jetti.

Kezdesý barysynda reseılik klýb oıyn basynan tizgindi qolǵa alýǵa tyrysty. Jınaqy qımyl kórsetip, tezirek esep ashý múmkindigin izdedi.

Nátıjesinde 11-mınýtta «Torpedo» hokkeıshisi Igor Larıonov esep ashty. Budan keıin elordalyq klýb tarazy basyn teńestirýge umtylǵan edi. Alaıda tablodaǵy esep ózgergen joq.

Ekinshi kezeńde qos komandanyń da gol soǵatyn múmkindikteri boldy. Alaıda atalǵan múmkindikter golǵa aınala qoıǵan joq.

Úshinshi kezeńniń 45-mınýtynda Egor Petýhov tarazy basyn teńestirse, 57-mınýtta Nıkolaı Kovalenko «Torpedony» qaıtadan alǵa shyǵardy.

Al 58-mınýtta Dennıs ıAn mergendik tanytyp, reseılik klýb 3:1 esebimen basym tústi.

Endi «Barys» kelesi oıynyn 8 qazanda Reseıde «Ak Bars» (Qazan) komandasyna qarsy ótkizedi.

Qazir týrnır kestesinde on tórt oıynnan keıin 15 upaıǵa qol jetkizgen «Barys» 13-orynda kele jatqan bolatyn.

Al, on úsh oıynnan keıin 17 upaı jınaǵan «Torpedo» 10-orynǵa jaıǵasqan.

Eske salsaq, budan buryn «Barys» elordada «Neftehımıkten» jeńilgen.