Qurlyq áskerlerinde 2016 jyldyń jarty jyldyǵy boıynsha jaýyngerlik saıystyń qorytyndysy shyǵaryldy (FOTO)
61993 áskerı bóliminiń bazasynda Qurlyq áskerleri basqarýshy quramymen jedel-ádistemelik jıynnyń aıaqtalýy sheńberinde eń úzdik óńirlik qolbasshylyǵy men ásker tekteri, áskerı bólimder men onyń komandırleri anyqtalyp marapattaldy. Óńirlik qolbasshylyqtar men ásker tekteriniń arasynda «Ońtústik» óńirlik qolbasshylyǵy kóshbasshy atansa, odan keıin «Shyǵys» óńirlik qolbasshylyǵy, úshinshi orynǵa - Aeroutqyr áskerleri ıe boldy, dep habarlaıdy QR QM baspasóz qyzmeti. Mehanıkalandyrylǵan, tanktik jáne desanttyq-shabýyldaýshy bólimderdiń arasynda 61993 áskerı bólimi úzdik dep tanylsa, artıllerııalyqtardyń ishinde - 82796 áskerı bólimi, sondaı-aq ınjenerlik-saperlik quramalardyń arasynda 58012 á/b, baılanys bólimsheleriniń arasynda - 54380 á/b, materıaldyq-tehnıkalyq qamtamasyz etý bólimderiniń ishinde - 75488 áskerı bólimi dara shyqty.
Sonymen qatar, Qurlyq áskerleriniń basqarýymen «Ońtústik» óńirlik qolbasshylyǵynyń - 28349, 03811, 22326, 22534 áskerı bólimderi men «Shyǵys» ÓńQ-nyń 30217 áskerı bólimderi de erekshelendi.
Belgili bolǵandaı, ótken jartyjyldyqta atalǵan bólimshelerdiń jeke quramy ózderine mindettelgen jaýyngerlik jáne kásibı daıarlyqtarynyń joǵary deńgeıin kórsetti. Mundaı qorytyndy shyǵarý arqyly áskerı qyzmetshiler qandaı jetistikterge qol jetkizdi, ásker túrleriniń damý betalysy qalaı, alǵa qoıǵan qandaı mindetter oryndaldy jáne bolashaqta sheshimin tabýy kerek degen suraqtarǵa tolyq jaýap berildi.
Taǵy bir jáıt, bul jeke quramnyń odan saıyn joǵary kórsetkishke qol jetkizýge umtylýyn, óziniń kásibı deńgeıin, jaýyngerlik jáne dene daıarlyǵyn úzdiksiz jetildirýge, shyndaı túsýge ıtermeleıtin tamasha yntalandyrý ekenin de aıta ketken jón.