Qurlyq áskerleriniń bas qolbasshysy taǵaıyndaldy

<p class="MsoNormal" style="text-align: justify;"><strong>Memleket basshysynyń ókimimen Asan Qýanyshuly Júsipov Qazaqstan Respýblıkasynyń Qarýly Kúshteri Qurlyq áskerleriniń bas qolbasshysy laýazymyna taǵaıyndaldy</strong><strong>, dep habarlaıdy <a href="https://kaz.inform.kz/" target="_blank" rel="noopener">QazAqparat </a>Aqordanyń baspasóz qyzmetine silteme jasap.</strong></p>

Memleket basshysynyń ókimimen Talǵat Mamyrtaıuly Qoıbaqov Qazaqstan Respýblıkasynyń Qarýly Kúshteri Qurlyq áskerleriniń bas qolbasshysy laýazymynan bosatyldy.

Asan Qýanyshuly Júsipov 1973 jyly 10 aqpanda Kókshetaý oblysynda týǵan.

Motoatqyshtar vzvody, rotasy, batalony, motoatqyshtar brıgadasynyń shtab bastyǵy, tank brıgadasy komandıri qyzmetin atqardy.

1995 jylǵy sáýirden bastap 2001 jylǵy tamyz aıyna deıin vzvod komandıri laýazymynan bastap 40398 áskerı bóliminiń motoatqyshtar batalony komandıri laýazymyn atqardy.

2001 jylǵy tamyz ben 2003 jylǵy maýsym aralyǵynda QR QK Áskerı akademııasynyń tyńdaýshysy boldy.

2003 jylǵy maýsym jáne 2008 jylǵy naýryz aralyǵynda 27943 áskerı bólimi shtab bastyǵy – komandırdiń orynbasary men komandıri laýazymyn atqardy

2008 jylǵy naýryzda 21450 áskerı bólimi komandıri bolyp taǵaıyndaldy.

2012 jylǵy tamyz aıynda «Batys» óńirlik qolbasshylyǵy basqarmasy óńirlik qolbasshylyq áskerleri (jaýyngerlik daıarlyq boıynsha) qolbasshysynyń orynbasary – jaýyngerlik daıarlyq bóliminiń bastyǵy bolyp taǵaıyndaldy.

2013 jylǵy tamyzda Ulttyq qorǵanys ýnıversıtetine tyndaýshysy bolyp qabyldandy.

2015 jylǵy maýsymda «Shyǵys» óńirlik qolbasshylyǵy basqarmasy óńirlik qolbasshylyq áskerleri (jaýyngerlik daıarlyq boıynsha) qolbasshysynyń orynbasary – jaýyngerlik daıarlyq bóliminiń bastyǵy bolyp taǵaıyndaldy.

2016 jylǵy qarasha aıynda «Ońtústik» óńirlik qolbasshylyǵy áskerleri qolbasshysynyń shtab bastyǵy – birinshi orynbasary boldy.

2019 jylǵy 15 qyrkúıekte Memleket basshysynyń ókimimen «Shyǵys» óńirlik qolbasshylyǵy áskerleri qolbasshysy bolyp taǵaıyndaldy.