Qurylys salasyndaǵy ruqsat qujattaryna revızııa jasalady

<p>ASTANA. KAZINFORM &ndash; Búgin Parlament Májilisinde jańa Qurylys kodeksiniń jobasyn tanystyrý kezinde QR Ónerkásip jáne qurylys vıtse-mınıstri Tımýr Qaraǵoıshın alaıaq qurylys kompanııalarymen kúres tásilderi týraly aıtty.</p>

«Lıtsenzıattardyń biryńǵaı tsıfrlyq tizilimin engizý - barlyq berilgen ruqsatnamanyń tıisti talaptarǵa sáıkes kelýine qatysty revızııa jasaýǵa múmkindik beredi. Bul óz kezeginde naryqty óz qyzmetine adal qaramaıtyn kompanııalardan tazartýǵa yqpal etedi», - dedi T. Qaraǵoıshın.

Onyń aıtýynsha, tizilimde naqty sýbekti týraly aqparat, ıaǵnı tájirıbesi men quzyreti, materıaldyq resýrstary, salalyq sarapshylardyń bolýy jáne basqa da málimetter qamtylady.

«Bul turǵyda qurylys naryǵynda sýbektilerdiń ashyq básekelestigin qamtamasyz etýge jáne sarapshylardyń quzyretin arttyrýǵa múmkindik beredi», - dedi vıtse-mınıstr.

Budan buryn habarlanǵandaı, Qurylys kodeksiniń jobasy aıasynda qurylys ınjenerlerin sertıfıkattaý qyzmeti fýnktsııa básekelestik ortaǵa beriledi.