— Qujat qurylys salasyn tsıfrlyq transformatsııalaýdyń negizgi mindetterin aıqyndaıdy jáne josparlaý, jobalaý kezeńderinen bastap, paıdalanýǵa berý, ǵımarattardy odan ári paıdalaný úderisterine deıingi qurylys nysandarynyń búkil ómirlik tsıklin qamtıdy, — delingen habarlamada.
Josparda qurylys salasyndaǵy úderisterdi jeńildetý jáne jedeldetýge baǵyttalǵan keshendi praktıkalyq sharalar kózdelgen.
— Basym baǵyttardyń qatarynda mindetti BIM-jobalaýdy engizý, qurylys salasyndaǵy memlekettik qyzmetterdi avtomattandyrý, nysandardyń tsıfrlyq pasporttaryn qalyptastyrý, sondaı-aq qurylys normalary men standarttaryn mashınamen oqylatyn formatqa kóshirý bar. Bul sharalar qolmen oryndalatyn operatsııalar sanyn qysqartýǵa, qatelikter táýekelin azaıtýǵa jáne qurylys jobalaryn júzege asyrýdyń boljamdylyǵyn arttyrýǵa múmkindik beredi dep kútiledi, — dep habarlady Úkimetten.
Jospardy júzege asyrý salanyń ashyqtyǵyn jáne basqarylýyn qamtamasyz etýge, qurylys merzimderi men shyǵyndaryn qysqartýǵa, ákimshilik kedergilerdi azaıtýǵa, sondaı-aq qurylys nysandarynyń sapasy men qaýipsizdigin arttyrýǵa baǵyttalǵan.
Búgin Memleket basshysy qurylys jáne tsıfrlyq kodeksterge qol qoıdy.