Qurylys nysandaryn paıdalanýǵa bergende mindetti túrde ǵaryshtan monıtorıng jasaý kerek – Mýsın

<p>Qurylys nysandaryn paıdalanýǵa bergende mindetti túrde ǵaryshtan monıtorıng jasaý qajet. Bul týraly Úkimet otyrysynda Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Jyljymaıtyn múlik – otbasynyń tiregi. Sondyqtan osy salaǵa erekshe kóńil bólindi. Birinshiden, jyljymaıtyn múlikti, mysaly úıdi, páterdi, ofısti satyp alǵanda nemese satqanda burynǵydaı notarıýske, HQO-ǵa barýdyń qajeti bolmaıdy. Mundaı onlaın-servıs Blockchain jáne bıometrııalyq sáıkestendirý tehnologııasy arqyly kórsetiletin bolady. Ár múlik boıynsha jasalatyn is-áreket, beınejazbalar elektrondy úkimette saqtalady. Sóıtip, birneshe kún alatyn protsess 1 saǵattyń ishinde bitedi», - dedi Baǵdat Mýsın.

Ekinshiden, onyń aıtýynsha, qazir qurylys nysanyn tirkegende ol shyn máninde bar ma, joq pa, eshkim teksermeıdi.

«Aqtóbede mynadaı eksperıment jasadyq. Tirkeýden ótken nysandardyń bárin ǵaryshtan monıtorıng jasaý arqyly tekserip kórdik. Nátıjesinde 20 ýchaske bos jer bolyp shyqty. Onda eshqandaı múlik joq, eshnárse salynbaǵan. ıAǵnı, jalǵan aqparat. Osyndaı faktilerdi joıý úshin qurylys nysandaryn paıdalanýǵa bergende mindetti túrde ǵaryshtan monıtorıngileýdi usynamyz», - dedi mınıstr.