Qurylys mınıstri: Tasqynnan búlingen qora-qopsyny memleket qalpyna keltirmeıdi

<p>ASTANA. KAZINFORM &ndash; Ónerkásip jáne qurylys mınıstri Qanat Sharlapaev Úkimet otyrysynan keıin ótken brıfıngide tasqynnan búlingen qora-qopsy memleket esebinen qalpyna keltirilmeıtinin aıtty.</p>

«Qazirgi tańda tasqynnan zardap shekkenderge 100 AEK (369 200 teńge – red.) ótemaqy berdik. Biraq aýla qurylystaryn, qoralardy, basqalardy qaıta turǵyzbaımyz. Sebebi, bizdiń eń basty maqsat – baspanamen qamtamasyz etý», - dedi ol BAQ ókiliniń suraǵyna bergen jaýabynda.

Qanat Sharlapaev bul sheshimniń sebebin de túsindirip kórdi.

«Ýaqytsha qurylystardy qaıta turǵyzýdyń qajeti bar ma, joq pa? Bizdiń pikirimiz boıynsha, eń aldymen tek baspanamen qamtamasyz etemiz. Bul eń basty maqsat. Basqalardy qaıta turǵyzbaımyz. Ony túsiný kerek. Sebebi, kóp adamdar úısiz qaldy. Bizdiń az resýrstardy qoraǵa, basqa máselege jumsaýǵa bolmaıdy, meniń oıymsha», - dedi mınıstr.