Qurylys kodeksiniń jobasy zańǵa saı ázirlengen – Oljas Bektenov Baqytjan Bazarbekke jaýap berdi

<p>ASTANA. KAZINFORM &ndash; Premer-mınıstr Oljas Bektenov Májilis depýtaty Baqytjan Bazarbektiń Qurylys kodeksiniń jobasyn ázirleý kezinde zańsyzdyqtarǵa jol berilgeni týraly saýalyna jaýap berdi.</p>

«Qarjy mınıstrligi qosymsha jumys júrgizip Ónerkásip jáne qurylys mınıstrligi Bıýdjet kodeksiniń talaptaryn saqtaǵanyn anyqtady. Bul kodekstiń jobasyn ázirleý zańdy túrde 2023 jylǵy memlekettik tapsyrma tizimine engizilgen. Ónerkásip jáne qurylys mınıstrligi men «QazQSǴZI» AQ arasyndaǵy ózara mindettemeler oryndaldy. Ony zańsyz dep tanýǵa qandaı da bir negiz joq», - delingen Úkimet basshysynyń jaýabynda.

Jaýapta qujatty ázirleýge bólingen 363 mln teńgeden astam qarajattyń qalaı jumsalǵany týraly birshama málimet berilgen.

Oljas Bektenovtiń málimetine súıensek, «QazQSǴZI» AQ-ǵa baǵyttalǵan 363,4 mln teńge kodeks jobasyn ázirlegen qyzmetkerlerdiń qalamaqysyna, ǵımaratty jalǵa aý shyǵyndaryna, halyqaralyq tájirıbelerdi zertteý úshin jasalǵan issaparlarǵa, aımaqtarǵa jasalǵan saparlarǵa, kodeks jobasyn talqylaý jıyndaryn uıymdastyrýǵa jumsalǵan.

«Osyny eskersek, bıýdjetten bólingen qarajat nysanaly maqsatyna saı baǵyttaldy», - dep jazady Premer-mınıstr.

Eske salsaq, depýtat Baqytjan Bazarbek Ónerkásip jáne qurylys mınıstrligi Qurylys kodeksiniń jobasyn ázirleý kezinde búrkemelengen zań buzý faktisine jol bergenin aıtyp júr.